پاسپۆرتی ئەنوەر سادات سەرۆکی پێشووتری میسر لەلایەن دامەزراوەی هێرتاچ ئۆکشنزی ئەمریکییەوە بە 47 هەزار و 500 دۆلار فرۆشرا.
دامەزراوەی هێرتاچ ئۆکشنزی ئەمریکی تایبەت بە فرۆشتنی کەلوپەلە گرانبەهاکان بڵاویکردەوە، “دەفتەری پاسپۆرتەکەی ئەنوەر سادات سەرۆکی پێشووتری میسر بە بەهای 47 هەزار و 500 دۆلاری ئەمریکی فرۆشراوە، کە لە جۆری پاسپۆرتی دیپلۆماسی بووە”.
ئاماژەی بەوەش کرد، “پاسپۆرتەکە لە 19 ی ئازاری ساڵت 1974 دەرکراوە، 48 لاپەڕەی پێوەیە، و تا ساڵی 1981 بەکارهاتووە و بە هەردوو زمانی عەرەبی و فەرەنسی لەسەری نووسراوە”.
بەو پاسپۆرتە دیپلۆماسییە سادات چەندین گەشتی مێژوویی ئەنجامداوە کە گرنگترینیان سەردانەکەی بوو ئیسرائیل لە تشرینی دووەمی ساڵی 1977 و دواتریش سەردانەکەی بۆ ئەمریکا لە ساڵی 1978 دا.
