پۆلیسی سلێمانی دەستگیرکردنی دوو تۆمەتباری ماددەی هۆشبەری راگەیاند، لە کاتی دەستگیرکردنیاندا دەستگیراوە بەسەر بڕێک ماددەی هۆشبەر و چەکێکدا.
بەپێی راگەیەندراوی پۆلیسی سلێمانی، بەشی پۆلیسی نەهێشتنی تاوان لە ئیبراهیم ئەحمەد دوو تۆمەتباریان دەستگیرکردووە، ئەوەش دوای کۆکردنەوەی زانیاریی و بەدواداچوون سەبارەت بە تۆمەتبارەکان.
ئەو دوو کەسەی دەستگیرکراون، ناویان م،ع،م لەدایكبووی 1997 و ك،م،م لەدایكبوی 1993 بووە و لە کاتی دەستگیرکردنیاندا دەستگیراوە بەسەر بڕێک ماددەی هۆشبەر و چەکێکی جۆری دەمانچەدا.
تۆمەتبارەکان بەبڕیاری دادوەر راگیراون و لێکۆڵینەوە لەگەڵیاندا بەردەوامە.
