درەنگانی شەوی رابردوو جارێکی دیکە بومەلەرزەیەکی بەهێز لە تورکیا روویدا و هیچ زیانێکی گیانی بە دواوە نەبوو.
دەستەی بومەلەرزەی تورکیا بڵاویکردەوە، “بومەلەرزەیەکی بەهێز لە ناوچەی کەهرمان ماراشی باشووری رۆژهەڵاتی تورکیا روویداوە کە بەهێزی گوڕەکەی 5.4 پلە بووە بە پێوەری رێختەر”.
لای خۆیەوە ئاژانسی هەواڵی فەرمی سوریا (سانا) ئاشکرایکرد، “بومەلەرزەکەی تورکیا دانیشتووانی هەریەکە لە حمس و حەڵەب هەستیان پێکردووە، بەڵام هیچ زیانێکی بەدواوە نەبووە”.
بە وتەی شارەزایانی بواری جیۆفیزیا، ئەو بومەلەرزانەی دوای بومەلەرزە بەهێزەکەی شەوی شەممە روودەدەن پاش بومەلەرزەی پێدەوترێت و بۆی هەیە چەند جارێک دووبارە بێتەوە، بەڵام گوڕەکانیان کەمتر دەبێت لە بومەلەرزە بەهێزەکە.
