بەڕێوەبەری حەج و عومرەی هەرێم رایگەیاند، بۆ ئەمساڵ بڕیارمانداوە ناوی نوێ بۆ بەجێگەیاندنی فەریزەی حەج نەنووسین.
نیاز نەقشبەندی بەڕێوەبەری حەج و عومرەی هەرێم لە کۆنگرەیەکی رۆژنامەوانیدا رایگەیاند، “بۆ ئەمساڵ ژمارەیەک لە حاجیان بە رێگەی وشکانی دەنێرین، بەڵام پێویستە دۆخی تەندروستی باش بێت و تەمەنی زۆر نەبێت، ئەوانەش کە بە رێگەی وشکانی گەشت دەکەن تێچووی گەشتەکانیان کەمترە و پارەی فڕۆکەیان بۆ دەگەڕێتەوە”.
ئاماژەی بەوەش کرد، “بەهۆی ئەوەی تائێستا هیچ گرێبەستێکمان لەگەڵ شوێنەکانی سعودییە نەکردووە، تائێستا نازانین تێچووەکەی کەمە، بەڵام پێدەچێت خەرجییەکان لە ساڵی رابردوو زیاتربێت”.
باسیلەوەشکرد، “بۆ ئەمساڵ ناوی نوێ بۆ بەجێگەیاندنی فەریزەی حەج نانوسین و مافی حەجکردن بەو کەسانە دەدرێت کە لە ساڵانی رابردوو ناویان دەرچوبوو”.
