وەزارەتی بازرگانیی عێراق دەڵێت، 150 هەزار تۆن ئاردی ئوسترالی و 250 هەزار تۆن گەنمی كڕیوە و ئاردی ئوسترالی بەسەر هاوڵاتییاندا دابەشدەکات.
ئەسیر غەریری وەزیری بازرگانیی عێراق رایگەیاند، 150 هەزار تۆن ئاردی ئوسترالییان کڕیوە بە مەبەستی دابەشکردنی بەسەر هاوڵاتییاندا و دەیانەوێت پرۆسەی دابەشكردنی خۆراك خێراتر بكەن، بۆ ئەوەی نرخی ئارد لە بازاڕەکاندا داببەزێت.
هاوكات حەیدەر نوری بەڕێوەبەری گشتیی كۆمپانیای بازرگانیی دانەوێڵە ئەمڕۆ پێنجشەممە ئاشكرایكرد، 250 هەزار تۆن گەنمیان كڕیوە و لە مانگی شوباتدا دەگاتە عێراق.
وتیشی، ساڵانە عێراق پێویستی بە چوار ملیۆن و 600 هەزار تۆن گەنمە.
