میدیای فەرمیی یەکێتیی نیشتمانیی کوردستان دەڵێت، هەڵمەتێکی راوەدونان و گرتنی کادرانی ی. ن. ك لە بادینان دەستیپێکردووە و دەزگا ئەمنییەکان چوونەتەسەر ماڵی رۆژنامەنووسێكیان لە بادینان.
میدیای فەرمیی یەكێتی رایگەیاند، “چه‌ند رۆژێكه هەڵمەتێکی راوەدونان و گرتنی کادرانی یەکێتیی نیشتمانیی کوردستان لە بادینان دەستیپێکردووە و وەک هەمیشەش تۆمەتی حازربەدەست ئامادەکراوە، هەر لەو چوارچێوەیەدا هەڵمەتەکە گەیشتووەتە کادرانی راگەیاندنی یەکێتی و پێشکەشکاری رادیۆی ده‌نگی گه‌لی كوردستان له دهۆك ڤەگیر محەمەد لە لایەن دەزگا ئەمنییەکانەوە دەچنەسەر ماڵەکەی”.
جەختیشدەكاتەوە كە “مەکتەبی راگەیاندن وێڕای سەرکۆنەکردنی ئەو رەفتارە، پاراستنی ژیانی رۆژنامەنووسەکە دەخەتە ئەستۆی دەسەڵاتدارانی ناوچەکە”.
