بەیانیی ئەمڕۆ لە شاری حەلەبی سوریا بەهۆی داڕمانی باڵەخانەیەک کە ئاوارەکانی تێدا نیشتەجێبووە 10 کەس گیانیان لەدەستدا و ژمارەیەکیش تا ئێستا لەژێر داروپەردووی باڵەخانە رووخاوەکەدان.
بەپێی ئاژانسی هەواڵی سوریا “سانا”، باڵەخانەکە لە گەڕەکی شێخ مەقسوود بووە لە شاری حەلەب، پێنج نهۆم بووە و حەوت خێزانی ئاوارەی عەفرینی رۆژئاوای کوردستانی تێدا نیشتەجێبووە.
بەپێی میدیای فەرمیی ئەو وڵاتە، 10 کەس لە دانیشتووانی باڵەخانەکە گیانیان لەدەستداوە کە خەڵکی عەفرینن، ژمارەیەکیشیان لەژێر داروپەردوودان و هێزەکانی فریاگوزاری لە هەوڵی رزگارکردنیاندان.
ئاماژە بۆ ئەوەشکراوە، ئەگەری هەیە هۆکاری داڕمانی باڵەخانەکە بۆ دزەکردنی ئاو بۆ ژێر بناغەی باڵەخانەکە بگەڕێتەوە.
