ئاسایشی راپەڕین دەستگیرکردنی کەسێکی بە تۆمەتی وەرگرتنی پارە لە هاوڵاتییان بە بیانووی دروستکردنی مزگەوت راگەیاند.
بەڕێوەبەرایەتیی ئاسایشی راپەڕین بڵاویکردەوە، “مەفرەزەی یاریدەدەرێتیمان،توانیان کەسێک بەناوی (س،ب،ٲ) لەناو بازاڕی حاجیاوا دەسگیربکەن، کە ناوبراو هەڵساوە بە وەرگرتن و کۆکردنەوەی بڕێکی زۆر پارە بەناوی دروستکردنی مزگەوت لە زۆربەی مزگەوتەکانی سنوورەکەمان و وەرگرتنی پارەیەکی زۆر بەناوی کەسانیتر لە دووکاندار و کاسبکاران”.
ئاماژەی بەوەشکرد، “لە ئێستادا ناوبراو، بە بڕیاری دادوەری دادگای لێکۆڵینەوەی حاجیاوا، پەڕاوی لێکۆڵینەوەی بۆ کراوەتەوە بە پێی ماددەی 456 لە یاسای سزادانی عێراقی”.
