وەزارەتی کاروباری شەهیدان و ئەنفالکراوان لیستێکی تری ناوی ئەو زیندانیکراو و گیراوە سیاسییانەی کە مینحەی مانگانەی بەردەوامیان بۆ خەرج دەکرێت رادەگەیەنێت.
لە راگەیەندراوێکدا وەزارەتی شەهیدان و ئەنفالکراوان ئاشکرایکردووە، ئاماژە بە فەرمانی وەزاریمان ژمارە (۷٥) تایبەت بە خەرجکردنی مینحەی 616 زیندانیکراو و گیراوی سیاسی کە هیچ موچەی تریان نییە.
ئاماژە بەوەشکراوە، بەپێی یاسای چاکسازی، وردبینی و پێداچوونەوە و پاککردنەوە بۆ دۆسییەکانیان کراوە.
ئەو کەسانەش ئاگاداردەکاتەوە، سەردانی بەرێوەبەرایەتیی کاروباری زیندانییە سیاسییەکان بکەن بە مەبەستی تەواوکردنی رێکارەکانی وەرگرتنی مینحەی مانگانەیان، بەڕەچاوکردنی ئەم خاڵانە :
یەکەم: ئەو بەرێزانەی کە رێکارەکانی بایۆمەتری و بەڵێننامەیان تەواونەکردووە، يان پێويستيان به شاهید هەیە بەڵێننامەی شاهیدەكان تەواو بكەن دوای تەواوکردنیان، سەردانی بانکی ناوبراو بکەن.
دووەم: ئەو زیندانییە سیاسییانە کۆچی دواییان کردوە، وارسەکانیان ڕێکارەکانی بەرێوەبەرایەتیی کاروباری زیندانییە سیاسییەکان تایبەت بە یاسای خانەنشینی بەرکار تەواو بکەن، بۆ وەرگرتنی مینحەکەیان.
سێیەم: ئەوانەی لەم لیستەدا ناویان هاتووە و موچەى تريان هەيه لەماوەی یەک مانگدا ئاگادارى بەڕێوەبەرایەتیی كاروبارى زيندانيیە سياسيیەكان بكەن كە مینحەى زيندانى سياسى وەرناگرن و موچەکەی تریان هەڵدەبژێرن.
