سەرۆكایەتیی شارەوانیی سلێمانی رایدەگەیەنێت، هەڵمەتێكی فراوانیان بۆ رێكخستنەوەی شۆستە و شەقامی چەند گەڕەكێك ئەنجامدا.
بەپێی راگەیەندراوێكی سەرۆكایەتیی شارەوانیی سلێمانی كە وێنەیەكی دەست تۆڕی میدیایی ئێستا كەوتووە و تێیدا هاتووە، لە میانی كارو چالاكییەكانی تیمەكانمان، لە سەرۆكایەتیی شارەوانیی سلێمانی، هەروەها ڕەخساندنی ژینگەیەكی تەندروست. هەڵمەتەكانی چاودێریكردنی بازاڕو بە دواداچوونەكانمان و پێدانی ڕێنمایی، بەردەوامە.
لە راگەیەندراوەكەدا هاتووە، بە هاوبەشی لەگەڵ پۆلیسی شارەوانی هەستان بە ئەنجامدانی هەڵمەتێكی فراوانی ڕێكخستنەوەی شۆستە و شەقامەكانی هەر یەك لە ”گەڕەكی هەواری شار، شەقامی سەروو فولكەی شاری سپی” بە ئامانجی نەهێشتنی ئاستەنگی هاتوچۆ و جوانكردنی شۆستە و شەقامەكان، بە شێوەیەكی ڕێكوپێك و نیشاندانی سیمایەكی جوانتر بە ناوچەكە.
ئاماژە بۆ ئەوەش كراوە، دەستكرا بە لابردنی چەندین زیادەرۆیی و تۆماركردنی سەرپێچییەكان، لە هەمانكاتدا تیمەكان ئەو كەسانەیان لە پێدانی ڕێنمایی شارەوانی و ئاگاداركردنەوەیان لە پاراستنی پاك و خاوێنی ژینگەیی و بەكارنەهێنانی موڵكی گشتیی ئاگاداركردەوە.
