راوێژكاری دارایی سەرۆك وەزیرانی عێراق، دوایین زانیاری لەبارەی پڕۆژەیاسای بودجەی 2023 ئاشكرادەكات و دەڵێت، بەمنزیكانە دەبرێتە پەرلەمان.
موزهر محەمەد ساڵح راوێژكاری دارایی سەرۆك وەزیرانی عێراق، وادەی ناردنی پڕۆژەیاسای بودجەی گشتیی ساڵی 2023ـی بۆ ئەنجومەنی نوێنەران ئاشكراكرد و جەختدەكاتەوە كە پڕۆژەیاساكە لە لایەن حكومەتەوە لە كۆتا قۆناغدایە و بەمزووانە تەواودەكرێت.
راوێژكارەكەی سەرۆك وەزیران وتیشی، “دوای تەواوبوونی پشووی یاسایی ئەنجومەنی نوێنەران و دەستپێكردنی وەرزی یاسادانانی ساڵی 2023، پڕۆژەیاسای بودجە ڕەوانەی ئەنجومەنی نوێنەران دەكرێت بە مەبەستی پەسەندكردنی”.
