وەزیری حەج و عومرەی سعودییە رایگەیاند، وەرزی حەجی ئەمساڵ هاوشێوەی ساڵانی پێش کۆرۆنا بەڕێوەدەچێت و هیچ مەرج و رێکارێکی تەندروستی ناسەپێندرێت.
تۆفیق بن فوزان رەبیعە وەزیری حەج و عومەری سعودییە رایگەیاند، “وەرزی حەجی ئەمساڵ هاوشێوەی ساڵانی پێش بڵاوبوونەوەی کۆرۆنا بەڕێوەدەچێت و هیچ کۆت و مەرجێکی تەندروستی ناسەپێندرێت”.
ئاماژەی بەوەشکرد، “نرخی بەهای بیمەی تەندروستی بە رێژەی %60 کەمدەکرێتەوە و مەرجی تەمەنیش پەیڕەوناکرێت”.
ئەمە لە کاتێکدایە، لەماوەی دوو ساڵی رابردوودا بەهۆی بڵاوبوونەوەی ڤایرۆسی کۆرۆنا حکومەتی سعودییە، چەندین مەرجی قورسی بۆ حاجیان دانابوو.
