لە ڕوداوێكی نامۆدا لە ئیمارات، چەند پیاوێك بە كۆمەڵ دەستدرێژیی سێكییان كردە سەر كچێك و بە ڤیدیۆ تۆماریانكرد و بڵاویانكردەوە.
ڕوداوەكە ماوەی دوو ڕۆژە كاردانەوەی بەرفراوانی بەدوای خۆیدا هێناوە، بەشێكی زۆر لە بەكاربەرانی تۆڕە كۆمەڵایەتییەكان لە ئیمارات سەركۆنەی دەكەن و لە دژی دەستدرێژیكاران قسە دەكەن، بەڵام بەشێكی تریان كچەكە تۆمەتباردەكەن و دەڵێن، “نەدەبوو لەگەڵ كوڕێكدا بچێتە ژووان، بۆ ئەوەی وای بەسەر نەیەت”، ئەمەش چالاكوانان و چاودێرانی نیگەرانكردووە، چونكە وەكخۆیان دەڵێن، “لە كۆمەڵگە عەرەبییەكاندا، هەمیشە تاوانەكان دەخرێتە ئەستۆی ژنانی قوربانی و هەر ئەوان سەرزەنشت دەكرێن.”
لە نوێترین پێشهاتی ئەو كەیسەدا، داواكاری گشتیی ئیمارات ڕایگەیاند، “سەرجەم دەستدرێژیكاران دەستگیركراون و لێكۆڵینەوەی ورد و بەرفراوانیان لەگەڵدا دەكرێت.”
داواكاری گشتی لە ئیمارات جەختیكردەوە كە ئەوانەی دەستدرێژییان كردووەتە سەر كچەكە، سزادەدرێن و یاسایان بەسەردا جێبەجێ دەكرێت، “چونكە ڕوداوی لەو جۆرە كۆمەڵگە ئازار دەدات.”
