ئەندامێكی لیژنەی نەوت و وزە لە ئەنجومەنی پارێزگای هەولێر هۆكاری بەرزبوونەوەی نرخی غازی بازرگانی ئاشكرادەكات و دەشڵێت، “پێشتر یەك بوتڵی غازی بازرگانی بە 10 هەزار و 500 دینار پڕدەكرایەوە، بەڵام ئێستا گەیشتووەتە 13 بۆ 14هەزار دینار”.
نافز ناوپردانی ئەندامی لیژنەی نەوت و وزە لە ئەنجومەنی پارێزگای هەولێر لە لێدوانێكدا بە تۆڕی میدیایی ئێستای راگەیاند، نرخی غازی حكومی بەرز نەبووەتەوە و یەك بوتڵ غاز بە 8500 دینارە، بەڵام لەم وەرزەدا خواست لەسەری زیادیكردووە، ئەوەش وایكردووە نرخی غازی بازرگانیی بەرزبوونەوە بەخۆوە ببینێت و یەك بوتڵ كە بە بازرگانی پڕدەكرێتەوە گەیشتووەتە 13 بۆ 14 هەزار دینار.
ئاماژەی بۆ ئەوەش كرد، غازی بازرگانی ناتوانرێت چاودێریی وردی بكرێت ئەوەش وایكردووە نرخەكەی بەرزبێتەوە و پێشتر بە 10 هەزار و 500 دینار پڕدەكرایەوە و ئێستا كە خواست لەسەری زیادیكردووە بە گرانتر دەفرۆشرێت.
