پۆلیسی سلێمانی دەستگیركردنی كەسێكی بە تۆمەتی تەقەكردن لە شەقامی سالم راگەیاند.
بەپێی راگەیەندراوێكی بەڕێوەبەرایەتیی پۆلیسی سلێمانی كە وێنەیەكی دەست تۆڕی میدیایی ئێستا كەوتووە و تێیدا هاتووە، دوای ئەوەی ئەمشەو لە شەقامی سالمی شاری سلێمانی تۆمەتبارێك تەقەی كرد، دەستبەجێ هێزەكانی پۆلیسی سلێمانی گەیشتنە شوێنی رووداوەكە و تەقەكەرەكەیان دەستگیركرد و هەروەها دەستیشگیرا بەسەر ئەو دەمانچەیەدا كە تۆمەتبار تەقەی پێكردبوو.
لە راگەیەندراوەكەدا هاتووە، بە بڕیاری دادوەر تۆمەتبار راگیراوە و لێكۆڵینەوەكان بەردەوامە.
