پیاوێكی بەریتانی، دوای 35 ساڵ دابڕانی لە زانكۆ، گەڕاوەتە بۆ خوێندن و لە تەمەنی 74 ساڵیدا بڕوانامەی بەدەستهێنا.
جۆن ویشلەر هانی كەسانی تر دەدات دوای ئارەزووی خوێندن بكەون و دەرفەتەكان بقۆزنەوە، سەرباری ئەوەش باس لەوە دەكات كە تەواوكردنی خوێندن ئاسان و بێگرفت نەبووە.
پیاوە بەریتانییەكە مامۆستای قۆناغی بنەڕەتی بووە، بەڵام هەمیشە خولیای خوێندنی زانكۆ و بەدەستهێنانی بڕوانامەی بەرزتری هەبووە، بۆیە وەك خۆی دەڵێت، بڕوانامەی بەكەلۆریۆسی بەدەستهێناوە، پاشان دیپلۆمی باڵا و دوو دیپلۆمی دیكەی بەدەستهێناوە، دواتریش بەشداریی خوولی ماستەری لە بواری دینامییاتی ژینگە و گۆڕانی ئاووهەوادا كردووە.
جۆن ویشلەر بە رۆژنامەی گاردیانی راگەیاندووە، دوایین جار كە لە بواری زانستیدا وانەی خوێندووە، ساڵی 1964 بووە، بەڵام هەمیشە حەزی درێژەدان بە خوێندنی هەبووە.
