لیژنە هاوبەشەکانی قائیمقامیەتی سلێمانی، دەستبەسەرداگرتنی بڕێکی زۆری خورمای خراپبوویان راگەیاند.
لە راگەیەندراوێكی لیژنە هاوبەشەکانی قائیمقامیەتی سلێمانیدا كە ئەمڕۆ چوارشەممە بڵاوكراوەتەوە هاتووە، بەهۆی خراپبوون و هەڵهێنانی کرم، لیژنە هاوبەشەکانی قائیمقامیەتی سلێمانی دەستیانگرت بەسەر بڕی تۆنێك و 500 كیلۆگرام خورمادا.
بەپێی راگەیەندراوەكە، “پاش پشکنین لە تاقیگەکانی عەلوەی سلێمانی، دەرکەوتووە خورماكە شیاوی خواردن و بەکارهێنان نییە، بۆیە بە فەرمانی قائیمقامی سلێمانی و لە لایەن لیژنەی تایبەتەوە، لە ناوچەی دەرەوەی نیشتەجێبوون لەناودەبرێت و خاوەنەکەشی رووبەڕووی رێکاری یاسایی دەکرێتەوە”.
