دوێنێ سێشەممە لە رووداوێكی هاتوچۆدا گەنجێك بە ناوی گۆران سۆران جەلال گیانیلەدەستدا.
رووداوەكە لە جۆری وەرگەڕان بووە و لە شەقامی پشتێنەی قەزای كفری روویداوە، بەهۆیەوە شۆفێرەكە بە سەختی برینداربووە و پاشان گواستراوەتەوە بۆ نەخۆشخانەی فریاکەوتنی شەهید هەژار لە كەلار و گیانیلەدەستداوە.
هاتوچۆی كفری لەبارەی رووداوەكەوە دەڵێت، ئۆتۆمبێلێکی جۆری تۆیۆتا لاندکرۆزەر لە رێگەی دەرەوەی قەزای کفری بەرامبەر گەڕەکی ئەنفالەکان کۆنترۆڵی لەدەستدا و وەرگەڕا، بەهۆیەوە شۆفێرەکەی کە لەدایکبووی 2001ـە بە سەختی برینداربووە و دواتر گیانیلەدەستداوە و تیمی هاتوچۆ لێکۆڵینەوە لە رووداوەکە دەكات.
