کۆڵۆنێڵ هانس راوێژکاری سەربازیی هۆڵەندا، پەیامێكی بۆ كۆچی دوایی فەرماندە ئاكام عومەر ئاراستەی بافڵ جەلال تاڵەبانی، سەرۆكی یەكێتیی نیشتمانیی كوردستان كرد.
لە پەیامی هاوخەمی و سەرەخۆشیكردنەكەیدا، کۆڵۆنێڵ هانس دەڵێت، “وەک کۆمەڵگەی هۆڵەندی، خەمباربووین بەوەی هەواڵی کۆچی دوایی هاوڕێ و هاوکارە باشەکەت ئاکام عومەرمان پێگەیشت. پرسە و سەرەخۆشیی خۆمان ئاراستەی بنەماڵە و خۆشەویستان و هاوکارە بەڕێزەکانی ئاکام دەکەین و هیوای سەبوورییان بۆ دەخوازین لەم کارەساتە سەختەدا”.
راوێژکاری سەربازیی هۆڵەندا راشیگەیاندووە، “دەمانەوێت پرسە و سەرەخۆشیی خۆمان بگەیەنین بە بنەماڵەی کۆچکردوو و فەرماندە و سەرۆکی ئەرکانی هێزەکانی 70”.
