کارەبای سلێمانی ئاگاداری دانیشتووانی كۆمەڵگەكانی نیشتەجێبوون دەکاتەوە لەماوەی مانگێکدا پسوڵەی هاوبەشیی کارەبا بکەن، بەپێچەوانەوە کارەباکەیان دەبڕدرێت.
بەڕێوەبەرایەتیی دابەشكردنی كارەبای سلێمانی (رۆژهەڵات و رۆژئاوا) لە راگەیەندراوێکدا بڵاویکردەوە، ئاگاداری دانیشتووانی كۆمەڵگەكانی نیشتەجێبوون دەكەینەوە، كە ناویان لە لیستەكاندا هاتووە، هەر ماڵێك كارەبایان هەیە و تائێستا بە رەسمی هاوبەشیی كارەبایان نەكردووەتەوە، یان پسوڵەی كارەبایان بۆ نەچووەتەوە، لە ماوەی مانگێكدا لە بەرواری ئەم ئاگادارییەوە سەردانی بەڕێوەبەرایەتییەكانی دابەشكردنی كارەبا بكەن بۆ تۆماركردن و كردنەوەی هاوبەشی كارەبا و چاپكردنی پسوڵە بۆیان.
باس لەوەشدەکات، “بەپێچەوانەوە ئەگەر ئەو کارە نەکەن، كارەباكانیان دەبڕدرێت”.
