بەڕێوەبەری گەنجینەی یەك لە سلێمانی رایدەگەیەنێت، دەبێت فەرمانگەكان لیستی مووچەی مانگی 12 ئامادەبكەن و چاوەڕوانی ڕێنمایی وەزارەتی دارایی دەكەین.
حەسەن ڕەشید بەڕێوەبەری گەنجینەی یەك لە سلێمانی لە لێدوانێكدا بە تۆڕی میدیایی ئێستای راگەیاند، لە ئێستادا دەستكراوە بە دابەشكردنی مووچەی مانگی 11ی ئەمساڵ و ڕۆژانە بەپێی خشتەی دیاریكراو كاری فەرمانگەكان ڕاییدەكەین.
ئاشكراشیكرد، دەبێت فەرمانگەكان لیستی مووچەی مانگی 12ی ئەمساڵ ئامادەبكەن و ساڵانی پێشتریش ئەو حاڵەتە هەبووە مووچەی مانگێك كەوتووەتە ساڵی نوێوە و چارەسەركراوە و هیچ گرفتێك دروستنابێت.
بەڕێوەبەری گەنجینەی یەك لە سلێمانی جەختیكردەوە بۆ مووچەی مانگی 12ی ئەمساڵ چاوەڕوانی رێنمایی وەزارەتی دارایی دەكەین و تائێستا هیچ رێنماییەكمان ئاراستە نەكراوە.
