پۆلیسی سلێمانی دەستگیرکردنی کەسێکی راگەیاند کە لە لایەن دادگای لێکۆڵینەوەی کفرییەوە لەسەر دۆسیەی کوشتنی کەسێک داواکرابوو.
بەڕێوەبەرایەتیی پۆلیسی پارێزگای سلێمانی ئەمڕۆ دووشەممە بڵاویکردەوە، “دوای ئەوەی فەرمانێكی گرتن لەلایەن دادگای لێكۆڵینەوەی كفرییەوە لەسەر تۆمەتبارێك گەیشتە بەڕێوەبەرایەتیی پۆلیسی پارێزگای سلێمانی، بەڕێوەبەری پۆلیسی پارێزگای سلێمانی سەرجەم بنكەكانی راسپارد كە بەدواچوون و لێكۆڵینەوە بكەن بۆ دۆینەوە و دەستگیركردنی تۆمەتبار”.
ئاماژەی بەوەش کرد، “دوای لێكۆڵینەوەو بەدواداچوونەكان توانرا لەلایەن بنكەی پۆلیسی تاسڵوجەوە تۆمەتبار بدۆزرێتەوە و دەستگیربكرێت كە داواكراوبووە لەسەر دۆسیەی كوشتنی كەسێك”.
ئاشکراشی کرد، “لەئێستادا تۆمەتبار( م ، م ، ع لەدایكبووی 1999 ) بە بڕیاری دادوەر و بەپێی ماددەی 406 لە یاسای سزادانی عێراقی راگیراوە و دوای تەواوكردنی رێكارە یاساییەكان رەوانەی شوێنی داواكراو دەكرێتەوە”.
