وەزارەتی خوێندنی باڵا و توێژینەوەی زانستیی هەرێمی کوردستان ڕایگەیاند، مۆڵەتی خوێندنیان لە دەرەوەی وڵات بۆ فەرمانبەران ڕاگرتووە.
لە ڕاگەیەندراوێکدا وەزارەتی خوێندنی باڵا ئاشکرایکردووە، بڕیاری ڕاگرتنی مۆڵەتی خوێندن لە دەرەوەی وڵات بۆ فەرمانبەران لە 20ی ئەیلولەوە جێبەجێ دەکرێت.
بەپێی ڕاگەیەندراوەکە، تەنها مۆڵەت بەو فەرمانبەرانە دەدرێت کە سکۆڵەر شیپیان هەیە، بەڵام هەر فەرمانبەرێک بیەوێت لەسەر ئەرکی خۆی لە دەرەوەی وڵات بخوێنێت مۆڵەتی بۆ ناکرێت.
