ئەمڕۆ کاتژمێر (6:00) بە کاتی هەرێمی کوردستان، لە چێوەی یارییەکانی گەڕی سێیەمی قۆناغی کۆمەڵەکانی مۆندیال و بەتایبەت لە گرووپی شەشەم، هەڵبژاردەی کرواتیا و بەلجیکا یارییەکی مێژوویی و یەکلاکەرەوە ئەنجامدەدەن.
بۆ بەدەستهێنانی لووتکەی گرووپی شەشەم، بەلجیکا و کرواتیا پێویستیان بە بردنەوەیە، بەتایبەت بەلجیکا کە دۆڕاندن لە پاڵەوانێتییەکە دەیکاتە دەرەوە.
لێرەدا گرنگترین داتا مێژووییەکانی هەردوو جەمسەرەکەمان بۆ ئامادەکردوون:
یەکەم: هەڵبژاردەی بەلجیکا لە دوایین دوو یاریی بەرامبەر کرواتیا لە سەرجەم پاڵەوانێتییەکان بردنەوەی تۆمارکردووە، لە هەموو ئەو یارییانەشدا ڕۆمیلو لوکاکو گۆڵی تۆمارکردووە.
دووەم: یەکەمجارە بە درێژایی مێژووی مۆندیال ڕووبەڕوودەبنەوە.
سێیەم: کرواتیا لە دوایین 10 یاریی مۆندیال، دووجار بەرامبەر هەڵبژاردەکانی ئەوروپا دۆڕاوە.
چوارەم: بەلجیکا لە ساڵی 1986وە تاوەکو ئێستا، دوو یاریی لەسەریەک لە مۆندیالدا نەدۆڕاوە.
پێنجەم: کۆرتوا یاریی ژمارە 100 لەگەڵ هەڵبژاردەی بەلجیکا ئەنجامدەدات.
