بەڕێوەبەرایەتیی هاتوچۆی گەرمیان بڵاویكردووەتەوە، لە ڕووداوێكی هاتوچۆدا لە شاری كەلار سێ كەس برینداربوون.
بەپێی راگەیەندراوێكی بەڕێوەبەرایەتیی هاتوچۆی گەرمیان كە وێنەیەكی دەست تۆڕی میدیایی ئێستا كەوتووە و تێیدا هاتووە، لە نزیك فولكەی ناو بازاڕی كەلار ماتۆڕسكیلێك لە هاوڵاتییەكی دا بەهۆیەوە برینداربووە و ئەو كەسەی ماتۆڕسیكلەكەی لێخوڕیوە و سەرنشینێكی دیكەی ماتۆڕسكیلەكەش برینداربووە .
لە راگەیەندراوەكەدا هاتووە، لێخوری ماتۆڕسكیلەكە مۆڵەتی نەبووە و لەدایكبووی ساڵی 2003 یە و هەرسێ بریندارەكە بە مەبەستی چارەسەركردن گواسترانەوە بۆ نەخۆشخانە و لێكۆڵینەوە لە ڕووداوەكە دەستیپێكردووە.
