لافاوەكەی شەوی رابردووی دهۆك زیانی بە ماڵی 12 هاوڵاتی و 11 ئۆتۆمبێل گەیاندووە، بەرگریی شارستانییش روونكردنەوە دەدات.
شەوی رابردوو بەهۆی لێزمەبارانەوە لافاو لە ناوشاری دهۆك روویدا و زیانی ماددیی لێكەوتەوە. بەڕێوەبەرایەتیی بەرگریی شارستانیی دهۆك ئاشكرایكرد، بەهۆی لافاوەكەی شەوی رابردووەوە، ئاو چووەتە ناو ماڵی 12 هاوڵاتی و و 11 ئۆتۆمبێل زیانیان بەركەوتووە.
بەپێی راگەیەندراوی بەڕێوەبەرایەتیی بەرگریی شارستانیی دهۆك، لافاوەكە زیانی گیانیی لێنەكەوتووەتەوە و زیانەكان تەنها ماڵی بوون.
