مەلا بەختیار رایدەگەیەنێت، پارتی كە باسی زۆرینە دەكات لاریمان نییە، بەڵام كە هاتە سەر بەرژەوەندیی ستراتیژی و چارەسەركردنی كێشەكانی كوردایەتی زۆرینە ناخوات.
مەلا بەختیار ئەندامی ئەنجومەنی باڵای سیاسی و بەرژەوەندییەكانی یەكێتیی نیشتمانیی كوردستان لە “كۆڕبەندی ئاشتی و ئاسایشی رۆژهەڵاتی ناوەڕاست” لە دهۆك رایگەیاند، پارتی كە دێتە سەر باسی و باسلەوەدەكات كە زۆرینەی هێناوە لاریمان نییە، بەڵام كە هاتە سەر بەرژەوەندیی ستراتیژی و چارەسەركردنی كێشەكانی كوردایەتی زۆرینە ناخوات.
وتیشی، “دەبێت ئەو ڕاستییە بزانین كە لە هەرێمی كوردستان سیاسەت دەكەین و ئەگەر ئێستا یەكێتی و پارتی سازش بۆ یەكتر بكەن زۆرباشترە لەوەی كە كێشەیەكی قووڵ لەگەڵ دەوڵەتانی دراوسێمان سەرهەڵدەدات ئەوا هەموومان زۆر زەرەرمەند دەبین”.
