فەرمانگەی ئاوی سلێمانی دوا وادە بۆ بەستنی پێوەری ئاو دیاریدەكات و لە دوای ئەو وادەیەوە هەر ماڵێك پێوەرەكە نەبەستێت مانگانە 80 هەزار دیناری لەسەر ئەژماردەكرێت و بۆ دوكان و شوێنە بازرگانییەكان 200 هەزار دینارە.
بە پێی راگەیەندراوێكی فەرمانگەی ئاوی سلێمانی كە وێنەیەكی دەست تۆڕی میدیایی ئێستا كەوتووە و تێیدا هاتووە، هاوڵاتییان ئاگاداردەكەینەوە دوا مۆڵەت بۆ بەستنی پێوەری ئاو 21ی 12ی 2022 و لە دوای ئەو وادەیەوە هەر هاوڵاتییەك پێوەری ئاو نەبەستێت مانگانە 80 هەزار دیناری لەسەر ئەژماردەكرێت.
لە راگەیەندراوەكەدا هاتووە، دوكان و شوێنە بازرگانییەكان لەبری نەبەستنی پێوەری ئاو بۆ هەر مانگێك 200 هەزار دیناریان لەسەر ئەژماردەكرێت.
