بەیانی ئەمڕۆ تەقینەوەیەکی بەهێز ئۆتۆمبێلێکی گواستنەوەی فەرمانبەرانی حکومەتی تاڵیبانی لە کابولی پایتەختی ئەفغانستان کردە ئامانج.
ئاژانسی هەواڵی ئامانج نیوزی ئەفغانی سەربەخۆ بڵاویکردەوە، “بەیانی ئەمڕۆ لە یەکێک لە گەڕەکەکانی کابولی پایتەختی ئەفغانستان تەقینەوەیەک ئۆتۆمبێلی گواستنەوەی فەرمانبەرانی وەزارەتی چاکسازی و گەشەپێدانی حکومەتی بزوتنەوەی تاڵیبانی کردووەتە ئامانج”.
ئاماژەی بەوەش کرد، “لە شوێنی رووداوەکە دوکەڵێکی زۆر بەرزبووەتەوە، هێزە ئەمنییەکان و ئەمبۆڵانس گەیشتوونەتە شوێنی رووداوەکە”.
تا ئێستا هیچ لایەنێک ژمارەی زیانە گیانییەکانی رووداوەکەی ئاشکرا نەکردووە.
