لە رووداوێکی ھاتوچۆدا لە سۆران، گەنجێكی تەمەن 27 ساڵ بە ناوی زانا زکری دۆڵەمەڕی گیانیلەدەستدا.
موحسین شەمزینی بەرپرسی راگەیاندنی ھاتوچۆی سۆران رایگەیاند، ئەمڕۆ سێشەممە لە رێگای سەرەکیی دێلزیان – سۆران، لە ئەنجامی رووداوێکی هاتوچۆدا شوفێری ئۆتۆمبێلێک گیانیلەدەستدا.
بەرپرسی راگەیاندنی ھاتوچۆی سۆران وتی، ڕووداوەكە لە جۆری لادان لە رێگا بووە و ئۆتۆمبێلێكی جۆری تویۆتا کۆرۆلا كۆنترۆڵی لەدەستداوە، بەو هۆیەوە شۆفێرەكەی بە ناوی زانا زکری ئەحمەد دۆڵەمەڕی كە تەمەنی 27 ساڵ بوو گیانیلەدەستدا.
