خانمان لەکاتی دورستکردنی خواردن و ئامادەکردنی ژەمەکاندا ڕووبەڕووی کێشەی خۆراکی زیادە دەبنەوە کە زۆرینەی خانمان بێزارن لە فڕێدانیان و ناشزانن چۆن چارەسەری بکەن.
لێرەدا چەند ڕێگایەک دەخەینەڕوو بۆ چارەسەرکردنی خۆراک و کەرەستە زیادەکان:
یەکەم: پێشئەوەی دەستبکەیت بە ئامادەکردنی ژەمەکەت بە وردی ڕەچەتەی خواردنەکەت ئامادەبکە و بزانە بۆ هەر کەرەستەیەک چەندت پێویستە بۆئەوەی ناچارنەبیت کەرەستەی زیاتر بکڕیت و بەفیڕۆی بدەیت.
دووەم: ئەگەر ماسیت ئامادەکرد و زیادەی هەبوو بەکاریبهێنە بۆ دورستکردنی شۆربا، ئەمە ڕێگایەکی زۆر باشە بۆ دووبارە بەکارهێنانەوە.
سێیەم: ئەگەر میوەکانت زیادەیان هەیە دەتوانیت وردیانبکەیت و بیانکەیتە ناو زەرفی کەپسەوە بۆ ناو بەفرگر دواتر لە دروستکردنی شەربەت و جوانکاریی خواردنەکاندا دەتوانیت بەکاریبهێنیت.
چوارەم: هەر گۆشتێکی زیادەت هەیە لە بەفرگرەکەتدا هەڵیگرە بۆئەوەی بە بەستوویی بمێنێتەوە.
پێنجەم: سەوزەی زیادە بکە بە شۆربا یان وردی بکە و بیکە ناو بەرفگرەوە بۆئەوەی دواتر بۆ شۆربا دروستکردن بەکاربهێنرێت.
شەشەم: هەر خۆراکێکت ماوەتەوە لە قتوودا هەڵیبگرە کە باشترین ڕێگایە بۆ پاراستنی خواردنە زیادەکان.
