لەنێوان ئەندامانی خێزانێکدا شەڕ لەسەر بەشە میرات ڕوویدا و بەهۆیەوە هەشت و برا و خوشک یەکتریان بریندارکرد.
سەرچاوەیەک لە پۆلیسی کەرکوک بە تۆڕی میدیایی ئێستای ڕاگەیاند، ئێوارەی ئەمڕۆ ئەندامی خێزانێک لەسەر پارچەیەک زەویی زیادەڕۆ کە میراتی بووە بووە بە کێشەیان و دواتر کێشەکەیان گەورەبووە و یەکتریان بریندارکردووە.
سەرچاوەکە وتیشی، ڕووداوەکە لەگەڕەکی ئیسرا و مەفقودینی کەرکوک بووە، لە شەڕەکەدا چەک و دار بەکار هاتووە.
بەپێی ئەو سەرچاوەیە، بریندارەکان لە ئێستادا لەنەخۆشخانەی گشتیی کەرکوک چارەسەر وەردەگرن و پۆلیسیش پەڕاوی لێکۆڵینەوەی لە ڕوداوەکە کردووەتەوە.
