بەیانیی ئەمڕۆ دووشەممە دوکانێکی مۆبایل لە بازاڕی مەولەوی شاری سلێمانی بڕدراوە، هێزەکانی پۆلیسی و ئاسایشی سلێمانی بۆ لێکۆڵینەوە لە شوێنی تاوانەکەن.
پەیامنێری تۆڕی میدیایی ئێستا لە سلێمانی گواستیەوە، ڕووداوی دزیکردنەکە شەو ڕوویداوە، بەڵام خاوەنی دوکانەکە بەیانیی ئەمڕۆ کە چووەتە سەر کارەکەی بینیویەتی دوکانەکەی دزی لێکراوە.
لە دوکانەکەدا تەنها دوو جۆر مۆبایل دزراون کە مۆدێلەکانی ئایفۆن 12 و ئایفۆن 13 بوون و کەلوپەلەکانی دیکە ماونەتەوە.
بەپێی وتەی یەکێک لە کورەکان، دوکانەکەیان بە بڕی 50 هەزار دۆلار دزی لێکراوە.
