لە یەکێک لە گەڕەکەکانی شاری سلێمانی، زاوایەک دوای هەڵکوتانە سەر ماڵەکەیان، خەزوور، خەسوو و هاوژینەکەی بریندارکرد.
ڕاز فریا، وتەبێژی بەڕێوەبەرایەتیی بەرەنگاربوونەوەی توندوتیژیی دژی ئافرەتان و خێزان، بە تۆڕی میدیایی ئێستای ڕاگەیاند، “دوێنێ شەممە لە گەڕەکی ئاوارەکانی تانجەرۆ، زاوایەک هەڵیکوتایە سەر ماڵی خەزووری و هەریەکە لە خەسووی و خەزووری و هاوژینەکەی بریندارکردووە”.
وتیشی، “دواتر لەلایەن لایەنی بەرامبەرەوە، زاواکەش بریندارکراوە، کە تەمەنی 21 ساڵە، لەئێستادا دەستگیرکراوە”.
ئاشکراشیکرد، “ڕووداوەکە بەهۆی کێشەی خێزانییەوە ڕوویداوە، خێزانەکە خەڵکی شاری سلێمانین، لەئێستادا چارەسەریان بۆکراوە و دۆخی تەندروستییان جێگیرە”.
