بەڕێوەبەرایەتیی گشتیی ئەوقاف و کاروباری ئاینیی سلێمانی وەڵامی ئەو ڕەخنانە دەداتەوە کە لە بەڕێوەبەری مزگەوتەکان گیراوە و ڕایگەیاندووە، ئەو ڕەخنانە دوورن لە هەموو بەهایەکی ئەخلاقی.
لە ڕاگەیەندراوەکەدا هاتووە، “دوابەدوای بڵاوبوونەوەی هەواڵێکمان لە پەیجی بەڕێوەبەرایەتیئ گشتیمان سەبارەت بە کۆبوونەوەی بەڕێوبەری مزگەوتەکان و پشکنین لەگەڵ بەڕێوەبەرایەتییەکانی ئەوقافی سلێمانی، چەمچەماڵ، شارەزوور بۆ چارەسەری گرفتەکانی مزگەوتەکان لە ڕووی ئیدارییەوە هەندێک پەیج و ئەکاونتی سۆشیاڵ میدیا هێرشێکی ناڕەوایان کردە سەر بەڕێوبەری مزگەوتەکان و پشکنین خاتوو جیلان”.
ئاماژە بەوەکراوە، ئەو ڕەخنانە دوورن لە هەموو بەهایەکی ئەخلاقی و کۆمەڵایەتی.
ئەوقافی سلێمانی دەڵێت، خاتوو جیلان بەرپرسی بەشێکە وەک هەموو فەرمانگەکانی تری حکومەتی هەرێم.
جەختیکردووەتەوە، ئەم بەڕێزە هیچ بەرکەوتەیەکی ڕاستەوخۆی لەگەڵ مامۆستایانی ئاینی و مزگەوتەکاندا نییە تەنها کاری ئیداری ناو فەرمانگە ئەکات.
