ئەنجامەكانی یانەی بایرن میونشن بەرەو خراپی دەچن و ئاستی یاریزانەكانیش وەك پێویست نییە.
یانەی بایرن میونشن بۆ جاری سێیەم لەسەر یەك لەخولی ئەڵمانیا نەیتوانی بردنەوە بەدەست بهێنێت و بەدوو گۆڵ لەگەڵ شتوتگارت یەكسان بوو.
ئەوەش ناگیلسمانی ڕاهێنەری خستە ژێر هەڕەشەی دەركردنەوە و بە پێی ڕۆژنامەی بێڵدی ئەڵمانی بێت یارییەكەی بەرشلۆنە وەك تاقیكردنەوەی كۆتایی وایە بۆ مانەوەی ڕاهێنەرەكە.
لە ئێستادا تۆخێل بێ كارە و بەم دواییە لە ڕاهێنەرایەتی پاریس دوورخراوەتەوە و لەئەگەری دەركردنی ناگیلسماندا، پێشبینی دەكرێت ئەو جێگەی بگرێتەوە.
ئەم هەفتەیە مۆلەری یاریزانی بایرن بە ئاشكرا ڕەخنەی لە ئاستی یاریزانەكانی بایر گرت و بە كەمتەرخەم ناوی بردن.
