وەزارەتی پەروەردە ژمارەیەك بڕیار و ڕێنمایی نوێی دەركرد و بەشێك لە بڕیارەكان تایبەتن بە ئەنجامدانی تاقیكردنەوەی دەرەكيی خوێندكاران.
بەپێی نووسراوێكی وەزارەتی پەروەردەی هەرێم، ئاراستەی بەڕێوەبەرایەتیی گشتی پەروەردەكان كراوە و وێنەیەكی دەست تۆڕی میدیایی ئێستا كەوتووە و تێیدا هاتووە،”ئەو خوێندكارانەی بۆ ئەمساڵی خوێندن درێژە بە پڕۆسەی خوێندن دەدەن و نمرەی دەرچوون بەدەستدەهێنن، بۆ ساڵی داهاتووی خوێندنی( 2023-2024)، دەیانەوێت چاككردنی نمرە ئەنجامبدەن، نمرەی ساڵی یەكەمیان بۆ ئەژمارناكرێت و ناتوانێت جارێكی دیكە داوایبكاتەوە و تەنها نمرەی ئەو ساڵەی بۆ هەژماردەكرێت كە تاقیكردنەوەی چاككردنی تێكڕا ئەنجامدەدات و بۆ یەك ساڵ دەتوانێت چاككردنی تێكڕا ئەنجامبدات”.
لەبەشێكی دیكەی نووسراوەكەی وەزارەتدا هاتووە، “ئەو خوێندكارانەی دوو ساڵەن لە قۆناغی 12 ی ئامادەیی مافی ئەنجامدانی تاقیكردنەوەی دەرەكيی ڕاستەوخۆیان نییە، دەتوانن لە خوێندنگەكەی خۆی درێژە بە خوێندن بدەن، بەڵام بۆ یەك یاخود دوو بابەت دەتوانرێت خوێندكارە بۆ ماوەی دوو ساڵ تاقیكردنەوەی دەرەكی ئەنجامبدات”.
