لە چەند پارێزگایەكی عێراق پشوو ڕاگەیەندرا

لە بەشێكی زۆری پارێزگاكانی عێراق بەهۆی بەڕێوەچوونی ڕێوڕەسمەكانی یادی چلەی ئیمام حسێن-ەوە پشوو ڕاگەیەندراوە.

لەو بارەیەوە ماجد وائلی، پارێزگاری نەجەف لە ڕاگەیەندراوێكدا بڵاویكردووەتەوە كە بەهۆی هاتنی ژمارەیەكی زۆر لە زیارەتكاران بۆ پارێزگاكە بڕیاردراوە بكرێتە پشووی فەرمی.

ئاماژە بۆ ئەوەش كراوە، پشووەكە لە سبەینێ یەكشەممە 11ی ئەیلولی 2022ەوە دەستپێدەكات تا 18ی ئەیلولی 2022 دەبێت.