ئەوەی دەیبینیت، وێنەی نەخشەی دەوڵەتی تازە دامەزرێندراوی عێراقە لە ساڵانی 1920 – 1921دا، كە باشووری كوردستان سنوور و نەخشەی كارگێڕیی جیاواز لە ئێستای هەیە.
وەک لە نەخشەکەدا دیارە، زۆربەی ناوچە کوردستانییەکانی دەرەوەی ئیدارەی هەرێم، سەر بە هەردوو پارێزگای کەرکوک و هەولێر بوون، پارێزگای سەڵاحەدین بوونی نەبووە.
لە هەفتاکانی سەدەی ڕابردوو و لە میانەی شاڵاوی بە عەرەبکردندا، بەشێکی زۆری ئەو ناوچانەی باشووری كوردستان خرانەسەر پارێزگاکانی دیالە، نەینەوا و سەڵاحەدین و ئێستا بە ناوچە دابڕاوەكان ناسراون.
مێژووی نەخشەکەی عێراق دەگەڕێتەوە بۆ ساڵی 1339ی کۆچی، کە هاوکات بووە لەگەڵ هەردوو ساڵی 1920 و 1921ی زایینیدا.
