لەلایەن پۆلیسی دارستان و ژینگەی گەرمیانەوە 25 ملیۆن دینار دەگەڕێندرێتەوە بۆ بانکی کەلار، کە لەکاتی وەرگرتنی مووچەی ئەم مانگەدا وەرگیرابوو.
عەمیدی مافپەروەر شوان محەمەد، بەڕێوەبەری پۆلیسی دارستان و ژینگەی گەرمیان بە تۆڕی میدیایی ئێستای ڕاگەیاند، لیژنەی مووچەی بەشی پۆلیسی دارستان و ژینگەی قەرەھەنجیری سەر بە بەڕێوەبەرایەتیەکەیان لەکاتی وەرگرتنی مووچەدا لە بانكی كەلار بڕی 25 ملیۆن دیناری زیادەیان وەرگرتووە.
وتیشی، “سبەی بە نووسراوی فەرمی پارەکە ڕادەستی بانکی کەلار دەكەنەوە”.
