لە سەیرانگەی سەرتەک، بەهۆی وەرگەڕانی مینی پاسێکەوە 13 کەس برینداربوون و رەوانەی نەخۆشخانەی دەربەندیخان کران.
بەڕێوەبەرایەتیی هاتوچۆی گەرمیان رایگەیاند، پاشنیوەڕۆی ئەمڕۆ هەینی، لە سەیرانگەی سەرتەک، لە نێوان گوندی کانی ژاڵە و ملەی سەرتەک، بەهۆی وەرگەڕانی مینی پاسێکەوە 13 کەس برینداربوون و رەوانەی نەخۆشخانەی دەربەندیخان کران.
ئاماژەی بەوەشکرد، تاوەکو ئێستا بەهۆی سەختیی برینەکەیانەوە، سێ لە بریندارەکان رەوانەی نەخۆشخانەی سلێمانی کراون، لێکۆڵینەوە لە رووداوەکە دەستیپێکردووە بەمەبەستی زانینی هۆکار و چۆنیەتیی روودانی.
