لەماوەی مانگی ئابی ڕابردوودا لانیكەم 30 كۆڵبەر و كاسبكار لە سنوورەكانی كوردستان كوژراون یان برینداربوون.
ڕێكخراوی مافی مرۆڤی هەنگاو بڵاویكردەوە، لە مانگی ڕابردوودا لانیكەم 30 كۆڵبەر لە سنوورەكانی كوردستان یان كوژراون یان برینداركراون.
دەڵێت، 93%ی ئەو حاڵەتانە بە تەقەی ڕاستەوخۆی هێزەكانی ئێران بووە.
بەپێی ڕاپۆرتەكە لەو ماوەیەدا حەوت كۆڵبەر و كاسبكار كوژراون و 23شیان برینداربوون.
زۆرترین ژمارەی قوربانییان لە پارێزگای سنە تۆماركراوە بە 20 حاڵەت، شەش حاڵەت پارێزگای كرماشان و چوار حاڵەتیش ئورومییە بوون.
