دژەتیرۆر و پێشمەرگە لەگەڵ سوپای عێراقدا ئۆپەراسیۆنێكی هاوبەشیان لە سنووری گەرمیان لەدژی چەكدارانی داعش دەستپێكرد.
زمناكۆ یەحیایی، پەیامنێری تۆڕی میدیایی ئێستا لە گەرمیان ڕایگەیاند، لە بەرەبەیانی ئەمڕۆوە، دژەتیرۆر و هێزەكانی پێشمەرگە ئۆپەراسیۆنێکی بەرفراوانیان لە سنووری گەرمیان دەستیپێکردووە، بەتایبەتیش لە سنووری خانەقین و ناوچە کوردستانییەکانی دیکە.
باسی لەوەش كرد، هێزەکانی سوپای عێراقیش لە سنووری پارێزگای دیالە، ئۆپەراسیۆنەکەیان دەستپێکردووە و بە هاوبەشی لەگەڵ دژەتیرۆر و پێشمەرگە سنوورەکانی پارێزگای سەڵاحەدین کێوماڵ دەکەن.
ڕوونیشیكردەوە، ئۆپەراسیۆنەكە، بۆ ناوچە شاخاوییەکانی نێوان کفری و خورماتووە، بۆ ئەو ناوچانەی چەند ساڵێکە بوونەتە پێگەی سەرەکی گرووپە چەکدارەکانی داعش.
