بەپێی ئەو زانیارییانەی لە بەڕێوەبەرایەتیی بەرهەمە نەوتییەكانی سلێمانییەوە بە تۆڕی میدیایی ئێستا دراون، هۆكاری گرانیی نرخی نەوت پەیوەندی بە پاڵاوگەكانەوە هەیە كە لەم وەرزەدا بەرهەمهێنانی نەوتی سپی ڕادەگرن و بەرهەمهێنان لە بەنزین و گازدا زیاددەكەن و نرخی یەك بەرمیل نەوتی سپی لە وەرزی زستانی ئەمساڵدا گرانناكرێت بۆ 400 هەزار دینار.
ئاماژە بەوەشكراوە، هەموو ساڵێك حكومەتی عێراق لە مانگی چوارەوە بەرهەمهێنانی نەوتی سپی ڕادەگرێت و بەرهەمهێنان لە بەنزین و گازدا زیاددەكات و ئەوەش وادەكات نرخەكەی گرانبوونی زیاتر بەخۆوە ببینێت و یەك بەرمیل نەوت بگاتە نزیكەی 250 هەزار دینار.
هەر لە زانیارییەكاندا هاتووە، ئاستەمە نرخی یەك بەرمیل نەوتی سپی لەئەمساڵدا بگاتە 400 هەزار دینار و بڕیارە یەك بەرمیل نەوت بدرێتە هاوڵاتییان، حكومەتی عێراقيش داوای داتاكانی كردووە و سەرجەمیان ڕەوانەی بەغداد كراون.
