وەزیرێكی توركی بەڵێندەدات لەماوەی ساڵێكدا وڵاتەكەی لە پەنابەرە سورییەكان چۆڵبكرێت.
داریا یانیك وەزیری خێزان و كاروباری كۆمەڵایەتیی توركی بەڵێنیدا تا ساڵی 2023ی داهاتوو وڵاتەكەی لە پەنابەرە سورییەكان چۆڵبكرێت.
لەكاتێكدا توركیا ڕوو لە هەڵبژاردنی سەرۆكایەتی و پەرلەمانیی یەكلاكەرەوە دەنێت، پرسی پەنابەرە سورییەكان بووەتە گەرمترین پرسی پارتی داد و گەشەپێدانی دەسەڵاتدار و پارتە بەرهەڵسكارەكانی.
وتەی ئەو وەزیرە لەمیانەی كردنەوەی خانەیەكی بەساڵاچوواندا بوو لە شاری ئەدەنە-ی نزیك لە سنوورەكانی سوریا، ئەو شارەی ژمارەیەكی زۆری پەنابەرە سورییەكانی تیایە.
ڕوونیشیكردەوە، توركیا كاروانی پەنابەران بۆ سوریا دەگەڕێنێتەوە و “تا ساڵی 2023 هیچ یەكێكیان لەسەر خاكەكەمان نامێنن”.
