ڕاپرسییەكی نوێ لەبارەی نیاز و هەڵوێستی ئەمریكییەكان بەرامبەر بە ئێرانییەكان دەریخستووە، 78%ی ئەمریكییەكان دژی شەڕكردن لەگەڵ ئێران-دان.
بەپێی ئەنجامی ڕاپرسییەك كە دامەزراوەی “داتا فۆر پرۆگرێس” ئەنجامیداوە و هەزار و 330 كەس بەشدارییان تیایدا كردووە، 78%ی بەشداربووان جەختیانكردووەتەوە كە نایانەوێت وڵاتەكەیان جەنگ لەگەڵ ئێران-دا بەرپابكات.
ئەو ڕێژەیە لە بەشداربووانی ڕاپرسییە ئەمریكییەكە وتوویانە، “باشتروایە ڕێگەچارەی دیپلۆماسییانە بۆ یەكلاكردنەوەی ناكۆكیی نێوان واشنتۆن و تاران بدۆزرێنەوە و پەنا بۆ پێكدادان نەبرێت”.
دامەزراوەی “داتا فۆر پرۆگرێس” دەڵێت، 74%ی بەشداربووانی ڕاپرسییەكە بە باشیانزانیوە ڕێككەوتنێك بكرێت و لە ڕێگەی چاودێریی نێودەوڵەتییەوە، ڕێگریبكرێت لەوەی ئێران پرۆگرامە ئەتۆمییەكەی پێشبخات.
