ماوەی دوو ڕۆژە باوك و كچێكی ئاوارەی ئێزدی بێسەروشوێنن و پۆلیسی زاخۆ داوای هاوكاری دەكات.
بەڕێوەبەرایەتی پۆلیسی زاخۆ ئەمڕۆ ڕایگەیاند، ماوەی دوو ڕۆژە باوكێك بەناوی (فاروق ميرزا خلف ) لەگەڵ کچەکەیدا بەناوی (ئاخین فاروق) بێسەروشوێنن.
ئاماژەی بەوەشكرد، ئەو باوك و كچە ئاوارەی شەنگال-ن و ماوەی دوو ڕۆژە لە كامپی چەم مشكۆ لە سنووری ئیدارەی سەربەخۆی زاخۆ دەرچوون و تائێستا نەگەڕاونەتەوە و سۆراغیان نییە.
پۆلیسی زاخۆ داوای هاوكاری و كارئاسانی لە هاوڵاتییان بەمەبەستی دۆزینەوە یان زانینی چارەنووسیان دەكات.
