یانەی بەرشلۆنە كۆندی بەرگریكاری نوێی بە هاندەران و ڕاگەیاندنەكان ناساند.
كۆندی پێشتر لە ئیشبیلیە یاریی دەكرد و بەرگریكارێكی بەتوانای فەرەنسییە.
گرێبەستەكەی تا ساڵی 2027 دەبێت و نرخی گرێبەستەكەش گەیشتۆتە 50 ملیۆن یۆرۆ.
لاپۆرتای سەرۆكی بەرشلۆنە وتی:” كڕینی كۆندی لەسەر خواستی چاڤی ڕاهێنەر بووە.”
كۆندی بەرگریكاری نوێی بەرشلۆنە بەم جۆرە باسی لە چوونی بۆ یانە كەتەلۆنییەكە كرد:
/ من شانازی دەكەم كە پەیوەندیم بە یانەیەكی گەورەی وەك بەرشلۆنەوە كردووە
/ ڕاهێنەر دەیوت پێویستم پێتە، داوای لێكردم بەردەوام بم لەو شتەی كە لە ئیشبیلیە كردومە
/ هەستم بە خۆشەویستی چاڤی ڕاهێنەر كرد و چەند جارێك پەیوەندیمان پێكەوە هەبوو
/ هەلی ئەوەم هەبوو كە گرێبەست لەگەڵ چێڵسی بكەم بەڵام دواجار یانەی بەرشلۆنەم هەڵبژارد، بەرشلۆنە یانەیەكی گەورەیە و ئارەزویی گەورەی هەیە
