كۆمپانیای سامسۆنگ تایبەتمەندییەكی نوێی بۆ ئامێرەكانی زیادكرد و پەیوەستە بە بابەت و زانیارییە تایبەتەكانی بەكارهێنەرەوە.
لە كاتی لەكاركەوتنی ئامێری مۆبایلەكەتدا، ترست هەبووە لەوەی لە شوێنكاری چاككردنەوە بەجێیبهێڵیت؟ گوماندەكەیت بابەت و زانیارییەكانی ناو ئامێرەكەت ببینن؟ سامسۆنگ ئەو گرفتە چارەسەر دەكات.
لە ڕێگەی تایبەتمەندییەكی نوێوە، كۆمپانیای سامسۆنگ پارێزگاری لە داتا و زانیاری و وێنە و ڤیدیۆكانی بەكارهێنەر دەكات و كاتێك ئامێرەكەت دەبەیتە شوێنكاری چاككردنەوە، “تایبەتمەندیی چاككردنەوە” كارادەكەیت.
ئەو تایبەتمەندییە ڕێگە بە “وەستاكان” دەدات تەنها بەشێكی كەمی زانیارییەكان ببینن و دەستیان نەگات بە وێنە و ڤیدیۆكان، لە هەمان كاتیشدا دەتوانن بە ئاسانی ئامێرەكە چاكبكەنەوە و بەپێی پێویست كار بە ئامێرەكە بكەن و تاقیبكەنەوە.
