سەرۆك وەزیرانی عێراق ڕایدەگەیەنێت، دوا پێشهاتە سیاسییەكان ئاماژەیەكی مەترسیدارن لەسەر ئاسایشی كۆمەڵایەتیی عێراق و پێویستە دەرچەیەك بۆ دۆخی چەقبەستوویی عێراق بدۆزرێتەوە.
مستەفا كازمی سەرۆك وەزیرانی عێراق ڕاگەیەندراوێكی بڵاوكردەوە و داوای لە لایەنە سیاسییەكان كرد قەیرانەكان نەخەنە ئەستۆی حكومەت وتیشی، “پێویستە لایەنە سیاسییەكان كار بۆ پاراستنی دەستكەوتەكان بكەن”.
ئاشكرایكرد، دوا پێشهاتە سیاسییەكان ئاماژەیەكی مەترسیدارە و لایەنە سیاسییەكانی عێراق دووچاری قەیرانی سیاسی و كۆمەڵایەتی بوون و پێویستە بەپەلە چارەسەرێكی بنەڕەتی بۆ كێشەكان بدۆزرێنەوە.
